Kinyarwanda
English
Swahili
![Arsenal FC yifatanyije n’u Rwanda muri ibi bihe byo kwibuka Jenoside yakorewe abatutsi mu 1994 [AMASHUSHO]](https://ukwelitimes.com/uploads/images/202604/image_430x256_69d4cdfe23b3a.jpg)
Kanombe: Bibutse ku nshuro ya 32 Jenoside yakorewe abatutsi mu 1994
Abaturage batandukanye bo mu Murenge wa Kanombe mu Karere ka Kicukiro, bitabiriye igikorwa cyo kwibuka ku nshuro ya 32 Jenoside yakorewe abatutsi mu 1994.
Iki gikorwa cyo kwibuka ku nshuro ya 32 Jenoside yakorewe abatutsi mu 1994 mu Rwanda, cyabaye ku wa Kane tariki ya 9 Mata 2026.
Ni igikorwa cyitabiriwe n’abayobozi batandukanye barimo Umuyobozi Nshingwabikorwa wungirije ushizwe imibereho myiza mu Karere ka Kicukiro Huss Monique ndetse n’abandi bayobozi bo mu nzego zitandukanye bo muri uwo murenge wa Kanombe n’umutekano n’imiryango ifite abayo biciwe mu aka gace.
Ni igikorwa cyabimburiwe n’urugendo ruto rwo kwibuka jenoside yakorewe Abatutsi mu 1994 no gushyira indabo ku cyobo kirimo imibiri y'Abatutsi biciwe mu Mirenge ya Kanombe na Niboye ndetse n’ibiganiro byakozwe mu buryo bwa panel yari igizwe na Hon Muhongayire Christine, Umunyamategeko Siboyintore Jean Bosco na Lt Col (Rtd) Charles Baganziyana.
Muri iki gikorwa hanatanzwe ubuhamya bw’umwemu barokotse jenoside yakorewe abatutsi mu 1994 n’inzira y’umusaraba banyuzemo ndetse n’ibiganiro byatanzwe n’umuyobozi wa IBUKA mu Murenge wa Kanombe madam Utetiwabo Christine ndetse n’umunyamabanga Nshingwabikorwa w'Umurenge wa Kanombe Nkurunziza Idrissa n’ijambo ry'uwari umushyitsi mukuru Umuyobozi Nshingwabikorwa wungirije ushizwe imibereho myiza mu Karere ka Kicukiro Huss Monique.
