Kuva intambara ya kabiri y’isi yarangira, Leta Zunze Ubumwe z’Amerika zagiranye umubano wihariye na Israel ku buryo ari cyo gihugu kigenerwa inkunga nyinshi yo kugifasha mu mibereho, kubaka igisirikare no kubaka ubudahangarwa mu Burasirazuba bwo hagati.

Israel yashinzwe mu 1948, ni nawo mwaka Amerika yagiranye amasezerano yo gufasha Israel ku kintu cyose kirebana n’ubuzima rusange bw’igihugu.

Kuva mu 1948 kugeza 2026 Amerika imaze guha Israel miliyali $174. Mu 2016 Amerika na Israel basinye amasezerano y’imikoranire ‘MOU’ y’imyaka 10 agamije gutanga ubufasha mu bya gisirikare. Ni amasezerano yatangiye gushyirwa mu bikorwa kuva mu 2019 kugeza 2028. Amerika yemeye miliyali $33 zo kubaka igisirikare cya Israel’FMF’ ndetse na miliyali $5 zo kubaka misile.

Icyakora nubwo hemejwe ariya mamiliyali, mu ngengo y’imari ya Amerika bajya batora itegeko ryo gufasha Israel mu buryo bwitwa ubw’ubutabazi. Mu 2024 Amerika yahaye Israel miliyali $3.5 yo gushyigikira igisirikare, hari kandi miliyali $5.2 yo kubaka ubwirinzi bwa misile ndetse na mililyali $1.2 yo kubaka sisiteme yo kurinda ikirere’Iron Beam’.

Ikinyejana kigeze hagati Amerika yifashisha Israel mu gusenya umwanzi wayo mu Burasirazuba bwo hagati no kubaka ubudahangarwa muri Aziya. Ariko kandi Amerika yifashisha Israel mu gutera igihugu cyose kiri hafi yayo byitwa ko ari ikibangamiye ituze rya Israel.

Amateka yerekana ko Amerika yagize uruhare mu kubaho kwa Israel mu 1948 kuva ubwo rero babana nk’umubyeyi n’umwana.