Kinyarwanda
English
Swahili
Imirwano yongeye kubura i Masisi hagati ya AFC/M23 na Wazalendo
Kuri uyu wa Kane tariki ya 18 Ukuboza, inyeshyamba zo mu ihuriro AFC/M23 zongeye gucakirana n’inyeshyamba za Wazalendo zishyigikiwe n’Ingabo za Repubulika Iharanira Demokarasi ya Congo (FARDC), mu mirwano yabereye muri teritwari ya Masisi, mu Ntara ya Kivu y’Amajyaruguru.
Amakuru aturuka ahabereye imirwano, yatangajwe n’urubuga ACTUALITE.CD, avuga ko inyeshyamba za AFC/M23 zagabye igitero ku birindiro bya Wazalendo biherereye i Kinyumba, mu masaa kumi za mu gitondo. Ibi byabaye mu rwego rwo gushaka kwisubiza uwo mudugudu, uri ku birometero hafi 10 uvuye i Nyabiondo, ku muhanda werekeza i Pinga, nyuma y’uko zari zimaze ukwezi ziwutakaje.
Wazalendo ivuga ko yahagaritse icyo gitero, nyuma y’imirwano ikaze yamaze amasaha menshi, bituma inyeshyamba za AFC/M23 zisubira mu mujyi wa Nyabiondo.
Ku gicamunsi cyo kuri uwo munsi, amakuru akomeza avuga ko i Kinyumba hari hatuje, ndetse ko uwo mudugudu wakomeje kugenzurwa n’inyeshyamba za Wazalendo.
