Ni imikino ibiri ya gishuti yateguwe n’ishyirahamwe rya Basketball mu Rwanda, mu buryo bwo kwitegura igikombe cy’Afurika. Iyi mikino yose izabera hano mu Rwanda.     

Biteganyijwe ko umukino wa mbere wa gishuti uzaba ku wa mbere, tariki ya 4 Kanama 2025 saa kumi n’ebyiri z’umugoroba, naho undi ukazaba tariki 6 Kanama 2025.

Igikombe cya Afurika kizaba hagati ya tariki 12 na 24 Kanama 2025, kibere mu gihugu cya Angola.

U Rwanda rwisanze ruri mu itsinda rya mbere na Côte d’Ivoire, Cabo Verde na RDC. Naho Libya iri mu itsinda rya gatatu, aho iri kumwe na  Angola, Sudani y’Epfo na Guinea.

Abakinnyi bari mu mwiherero w’ikipe y’Igihugu bagizwe na William Robeyns, Hagumitwari Steve, Axel Mpoyo, Twizeyimana Chandelier, Cyiza Nshuti, Ndizeye Dieudonné na Muhizi Prince.

Abandi barimo Ishimwe Lars, Ntore Habimana, Pierre Vandriessche, Prince Twa, Umuhoza Jean de Dieu, Nshobozwabyosenumukiza Jean Jacques Wilson, Bizimana Paul, Furaha Cadeaux de Dieu, Shema Bruno, Hason Ward, Bigirumwami Noah, Mutabazi David na Trey Twa, Uwitonze Justin.