Uwatowe ni Generali Brice Oligui Nguema  mu 2023 wayoboye ihirikwa ry'ubutegetsi ryasoje ubutegetsi bw'umuryango wa Bongo wari umazeho imyaka hafi 60 - yatsinze amatora ya perezida yabaye ku wa gatandatu n'amajwi arenga 90%, nkuko ibyavuye mu matora by'agateganyo bibigaragaza.

Gusa ntibyavuzweho rumwe Mbere y'ayo matora, kuko abamunenga bari bavuze ko itegekonshinga rishya hamwe n'itegeko rishya rigenga amatora bikoze kuburyo bworohereza Oligui Nguema kuba perezida.

Bamwe mu bakomeye batavuga rumwe n'ubutegetsi bashoboraga guhangana na we bya nyabyo muri politike babujijwe kwiyamamaza.

Intsinzi ye mu matora ishimangiye gucigatira ubutegetsi kwe, nyuma y'imyaka hafi ibiri acuze umugambi wo guhirika ku butegetsi Perezida Ali Bongo. Umuryango wa Ali Bongo wari uri ku butegetsi muri Gabon guhera mu mwaka wa 1967.

Intsinzi ya Oligui Nguema imuhaye manda y'imyaka irindwi hamwe n'ubushobozi bwo guhangana na ruswa n'imiyoborere mibi byaranze ubutegetsi bwa Bongo.