Kinyarwanda
English
Swahili
Ihuriro rya UFRC ryitandukanyije na Tshisekedi risanga AFC/M23
Ihuriro the Union of Force for the Reconstruction of Congo ‘UFRC’, kuri uyu wa Gatandatu taliki 12 Mata 2025, ryatangaje ko ryitandukanyije n’ubutegetsi bwa Tshisekedi.
Kivu morning Post , itangaza ko iri huriro ryunze ubumwe na AFC/M23, nyuma yo gusanga ko Repubulika Iharanira Demokarasi ya Congo by’umwihariko Kivu y’Epfo iyobowe nabi.
Mu itangazo ryashyizweho umukono na Perezida w’iri huriro Joel Namunene Muganguzi, ryashinje ubutegetsi bwa Tshisekedi ko bwiganjemo irondabwoko, icyenewabo, ubuyobozi bubi n’umutekano mucye.
Uyu mutwe ufite abarwanyi bitwa Mai Mai, ngo zunze ubumwe na M23, kugirango bafatikanye kubohora abaturage babakize ubutegetsi bubi bwa Tshisekedi.
Iri huriro ryisunze M23, mu gihe mu mpera z'icyumweru gishize, hongeye kuvugwa imirwano yahuje Ihuriro rya FARDC na M23 nyuma y'uko hari hashize iminsi micye hari igisa n'agahenge.
