Umuraperi ubifatanya no gukina filime, akaba ari umunyamategeko wabyitoje yasangije abamukurikira ku mbuga nkoranyambaga amafoto y'umukobwa bitegura kurushinga.

Falz yanditse ko yari yarategereje igihe kirekire ariko yiyemeje gufata umwanzuro wo kugendana urugendo rw'ubuzima n'uwo mukobwa yirinze gutangaza amazina.

Ibinyamakuru byo muri Nigeria byahishuye ko uwo mukobwa afite impamyabumenyi y'ikirenga 'PHD', akaba akora ubucuruzi bwambukiranya imigabane.

Aya makuru akijya hanze ko Falz agiye kurushinga n'umukobwa wo muri Ghana, abakobwa bo muri Nigeria baguye mu kantu barababara cyane bitewe nuko bari biteze ko azabakuramo umwe. 

Muri Nigeria biragoye kubona umuntu w'icyamamare ashakana n'umunyamahanga kuko baba bashaka gusaranganya ubutunzi ku banyagihugu.