Kinyarwanda
English
DRC: Ingabo za SADC zagiye kurwanya M23 zigiye gutaha
Ingabo za SADC zari mu Burasirazuba bwa Repubulika Iharanira Demokarasi ya Congo zaragiye gufasha ingabo z'iki gihugu FARDC kurwanya M23 zigiye gutaha nyuma y'uko Abakuru b'Ibihugu byo muri SADC babyanzuye.
Inama idasanzwe y'Abakuru b'Ibihugu by'Umuryango w’Ubukungu n’Iterambere ry’Ibihugu bya Afurika y’Amajyepfo (SADC), yanzuye ko ingabo z'uyu muryango ziva muri DRC.
Yari inama yiga ku bibazo by'umutekano muke muri DRC yasojwe bavuze ko ubutumwa bw'Ingabo za SAMIDRC, ziri muri DRC, ko zigomba gutangira gutaha.
Iyi nama yateranye kuri uyu wa Kane hifashishijwe ikoranabuhanga.
Izi ngabo zagiye muri Congo zifite umugambi wo kurwanya M23, ariko bageze ku rugamba biragorana, kugera ubwo zagotewe mu kigo cyazo i Goma.
SADC yageze mu Burasirazuba bwa Congo-Kinshasa mu Ukuboza 2023 basimbuyeyo ingabo za EAC zari zaragiye kubungabunga amahoro.
