Mu ijoro ryacyeye tariki 18 Ugushyingo 2025, nibwo Abanyacyubahiro barimo Perezida wa Amerika Donald Trump, Cristiano Ronaldo, Umuherwe Elon musk, Perezida wa FIFA, Gianni Infantino, umwami wungirije wa Arabia Saudite, Mohammed bin Salman, hamwe n'abandi, bagiranye ibiganiro byabereye muri White House.

Ni inkuru zatangiye kuvugwa mu gitondo cyo ku wa Kabiri tariki 18 Ugushyingo 2025, aho Cristiano Ronaldo yaje azanye n'uyu mwami wungirije wa Saudi Arabia, Mohammed bin Salman wari wakiriwe bwa mbere muri White House.

Bivugwa ko uyu mwami wungirije yari aje kugirana ibiganiro na Perezida wa Leta zunze ubumwe z'Amerika Donald Trump byo kugurishwa indege z'intambara zo mu bwoko bwa F-35 ariko kandi bagiranye n'ibiganiro by'ubucuruzi hagati y'ibi bihugu byombi.

Cristiano Ronaldo ni ubwa mbere yicaranye n'abanyacyubahiro banga gutya muri White House ndetse uyu mugabo yaje ari kumwe n'Umugore we Georgina Rodriguez bamaze igihe babana nk'umugabo n'umugore nubwo batasezeranye imbere y'Imana no mu mategeko.

Byari ibyishimo bikomeye kuri Cristiano Ronaldo ndetse n'umugore we kuko nyuma y'uyu musangiro bafashe amafoto bari kumwe naba bagabo bakomeye ku Isi. Ronaldo yaherukaga muri Leta zunze ubumwe z'Amerika muri 2017.

Umuhungu wa Donald Trump, Borron Trump, ni umufana ukomeye wa Cristiano Ronaldo. Ibi byemejwe na Donald Trump mu kiganiro yahaye abitabiriye uyu musangiro w'ibi bikomerezwa ku Isi.

Donald Trump yagiranye ibiganiro na Mohammed bin Salman 

Cristiano Ronaldo n'abandi baherwe bari muri uyu musangiro