Kinyarwanda
English
Swahili
CG Murenzi yakiriye itsinda ryaturutse muri Namibia riyobowe n’Umuyobozi wungirije w’Urukiko rw’Ikirenga
Ku gicamunsi cyo kuri uyu wa Kabiri taliki 13 Gicurasi2025, Urwego rw’u Rwanda rushinzwe Igorora (RCS) rwatangaje ko Umuyobozi Mukuru wa RCS CG Evariste Murenzi, yakiriye mu biro bye itsinda ryaturutse mu gihugu cya Namibia.
Ni ubutumwa uru rwego rwatangaje binyuze ku rukuta rwa X(Twitter), buvuga ko CG Murenzi yakiriye ku Cyicaro gikuru cya RCS intumwa zo muri Namibia ziyobowe na Petrus Damaseb, Umuyobozi mukuru wungirije w’Urukiko rw’Ikirenga.
Ubutumwa bugira buti: “Uyu munsi, CG E. Murenzi yakiriye ku Cyicaro Gikuru cya RCS itsinda ryaturutse mu gihugu cya Namibia riyobowe na Bwana Petrus Damaseb, Umuyobozi wungirije w'urukiko rw'ikirenga. Uruzinduko rwari rugamije kwiga kuri sisiteme y’ikoranabuhanga (IECMS) ikoreshwa mu nzego z’ubutabera”.
Uruzinduko rwa bwana Petrus ruje rukurikira urwa Komiseri Mukuru w’Urwego rushinzwe Igorora muri Namibia, CG Raphael T. Hamunyela, na we aherutse mu Rwanda mu kwezi kwa Gashyantare uyu mwaka.
Ubusanzwe U Rwanda na Namibia ni ibihugu bisanzwe bifitanye umubano ushingiye kuri dipolomasi ndetse ugenda wagukira mu nzego zitandukanye zirimo n’umutekano hagati y’inzego zishinzwe kubahiriza amategeko z’Ibihugu byombi.
