Ni igikorwa  kitabiriwe na Guverineri w’Intara ya Lobaye, Lydie Georgette Gahoro , muri Repubulika ya Centrafrique  washimye aho u Rwanda rugeze rwiyubaka rubikesha imiyoborere myiza.

Guverineri Lydie Georgette Gahoro, yashimye ubudasa bw’u Rwanda naho rugeze rwubaka ubukungu, byose byaturutse ku buyobozi bureba kure.

Yashimye ko kandi u Rwanda aho rugeze nyuma y'uko bitari birworoheye kwikura mu  mateka ashaririye rwanyuzemo nyuma ya Jenoside yakorewe abatutsi, ariko hamwe n’ubuyobozi bwiza ubu rukaba rwariyubatse.

Ikindi yagarutseho, ni intambwe yatewe idasanzwe mu bumwe n’ubwiyunge, byarufashije kongera kwiyubaka ruhereye ku busa, none ubu akaba ari Igihugu cy’intangarugero.

Yavuze  ko kandi u Rwanda ubu ari Igihugu gifite ubukungu buhagaze neza ndetse kikaba intangarugero muri byinshi. Ibi byose bikaba biva ku miyoborere ishyira imbere uruhare rwa buri muturage, ikanamushyira ku isonga.