Tariki 26 mata 2025, ikipe ya Real Madrid yatsinzwe umukino na FC Barcelona ibitego 3-2 ku mukino wa nyuma w’igikombe cy’igihugu muri Esipanye.

Nyuma y’uyu mukino niho hongeye kuzamuka ikintu cyo gusohoka kwa Carlos Anceloti usanzwe ari umutoza w’ikipe ya Real Madrid.

Umwaka ushize nibwo byatangiye kuvugwa ko Carlos Anceloti agiye gutoza ikipe y’igihugu ya Brazil ariko aza guhita yongera amasezerano muri Real Madrid.

Ku munsi wejo hashize ibinyamakuru bimwe bikomeye ku mugabane w’i Burayi, byavuze ko Carlos Anceloti kera kabaye yatangiye ibiganiro na federasiyo ya Brazil.

Amakuru avuga ko Brazi yateguye ko igiye guha amafaranga menshi Carlos anceloti ku buryo azahita aba umutaliyani uhembwa menshi.

Andi makuru arimo kuvuga i Burayi ni inkuru ya Jurgan Klopp ibyo kujya muri Real Madrid bitakiriho. Ikinyamakuru The Athletic FC, kivuga ko Klopp ngo atiteguye gutoza ikipe ya Real Madrid nyuma yo kuva muri Liverpool FC.

Biravugwa ko Xabi Alonso niwe urimo guhabwa amahirwe menshi yo gufata Real Madrid ariko Bayern Leverkusen yamenyesheje uyu mutoza ko nagenda ikipe izishyurwa Milliyoni zitari munsi 25 z'amayero kubera amasezerano bari bagifitenye.

Ku munsi wo ku cyumweru tariki 27 mata 2025, byari ibyishimo mu mujyi wa Liverpool FC yatwaye igikombe cya shampiyona y’ubwongereza habura imikino 4 ngo shampiyona irangire.

Ni igikombe cya 20 cya shampiyona ikipe ya Liverpool FC yatwaye nyuma yo gutsinda ikipe ya Tottenham Hotspurs FC ku bitego 5-1.

Ni ibyishimo byari byinshi cyane ku bakunzi ba Liverpool FC, abakinnyi ndetse n’umutoza Arne Slot wari utoje iyi kipe bwa mbere agahita atwara igikombe.

Indi nkuru ikomeye ni ugutakaza umwanya wa mbere ku ikipe ya Inter Milan mu gihugu cy’ubutalitani ugafatwa na Napoli.

Ikipe ya Inter Milan yatsinzwe na AS Roma igitego 1-0, tariki 27 mata 2025. Iyi kipe yatsinzwe inganya amanota na 71 na Napoli yo iza kwitsindira Torino ibitego 2-0 ihita ifata umwanya wa mbere irusha Inter Milan amanota 3.