Ibiganiro byabaye hagati y’impande zombi byibanze ku gushimangira umubano mwiza usanzwe hagati y’u Rwanda n’u Bushinwa, by’umwihariko mu rwego rw’umutekano n’ubufatanye bwa gisirikare.

Mu byo baganiriyeho, harimo kongera icyizere hagati y’ibihugu byombi, guteza imbere ubufatanye n’ihanahana ry’ubunararibonye hagati y’ingabo zabyo, ndetse no gushyira imbaraga mu mishinga ihuriweho igamije guteza imbere umutekano n’iterambere rirambye.

Impande zombi zanemeranyije gukomeza guteza imbere umubano wimbitse w’ubufatanye bufite inyungu ku mpande zombi, aho zagaragaje ko zizakomeza gukorana bya hafi mu rwego rwo guteza imbere ubufatanye bw’igihe kirekire.

Ibi biganiro bishimangira intambwe ikomeje guterwa mu mubano w’u Rwanda n’u Bushinwa, by’umwihariko mu nzego z’umutekano n’igisirikare, aho ibihugu byombi bikomeje gushyira imbere ubufatanye bufite ireme kandi burambye.