Urukiko rukuru rwo mu karere ka Catalonia rwatangaje ko habonetse “kutavuga rumwe n’ibinyuranyije” mu mwanzuro wa mbere wari wafashwe.

Alves, wakiniye Brazil na FC Barcelona mu mwuga we w’umupira w’amaguru, yahamijwe icyaha muri Gashyantare 2024 cyo gufata ku ngufu umugore mu kabari ko muri Barcelona mu Ukuboza 2022.

Yari yarakatiwe igifungo cy’imyaka ine n’igice, ariko yarekuwe muri Werurwe 2024 mu gihe yari ategereje ko ubujurire bwe bwumvwa.

Alves yakomeje guhakana icyaha, avuga ko imibonano mpuzabitsina yagiranye n’uwo mugore yabaye ku bwumvikane.

Yagombaga gutanga ingwate ya miliyoni 1 y’amayero (€1m) cyangwa amapawundi 850,000 (£850,000) kugira ngo arekurwe.

Yemeye kandi gutanga pasiporo ze, atemererwa gusohoka muri Espagne, ndetse asabwa kwitaba urukiko buri wa Gatanu.