Ku wa 18 Nyakanga 2025, Urukiko rw'ibanze rwa Kicukiro rwategetse ko umunyapolitiki Ingabire Umuhoza Victoire afungwa iminsi y’agateganyo.

Umwanzuro wasomwe isaha irengaho iminota mike, buri cyaha uko ari bitandatu hagaragajwe impamvu zifatika zikwiriye gutuma akurikiranwa afunzwe kuko ibyaha ashinjwa birengeje igifungo cy'imyaka ibiri mu gihe yabihamwa.

Urukiko rwasobanuye ko abatangabuhamya bagaragaje ko bari bafite umugambi wo gutera ibisasu mu bice bitandukanye by'umwihariko ibitero byo mu kinigi.

Urukiko rwavuze ko icyaha cyo kurema umutwe w'abagizi ba nabi hari ibyagezweho bityo akwiriye kugikurikiranwa.

urukiko rwavuze ko Umuhoza Ingabire Victoire akwiriye gukurikiranwa ku cyaha cyo gucura umugambi wo guteza imidugararo muri rubanda.

Icyaha cyo gutangaza amakuru y'ibihuha, urukiko rwavuze ko yatangaje amakuru y'ibihuha binyuze ku Umubavu TV Online, ni impamvu ikomeye yo gutangaza amakuru y'ibihuha.

Urukiko rwategetse ko Ingabire Umuhoza Victoire akurikiranwa afunzwe kugirango iperereza rizakomeze.

Ubushinjacyaha bwagararije urukiko ko adafunzwe yatoroka ubutabera. Urukiko rero rwafashe icyemezo bitewe n'uko ibyaba akurikiranweho birimo icyo guhungabanya umutekano w'u Rwanda.

 Banagarutse ku munsi wari kwizihizwa wamwitiriwe, kuba hari abo yishishingikirije bashaka kugirira nabi ubutegetsi buriho mu Rwanda.

Ibyaha bitandatu akurikiranyweho 

Ingabire Victoire akurikiranyweho ibyaha bitandatu 

Icyaha cyo kurema umutwe w'abagizi ba nabi

Icyaha cyo guteza imvururu

Icyaha cyo kugiririra nabi ubutegetsi buriho

Icyaha cy'icengezamatwara cyangwa se kwangisha Leta y'u Rwanda amahanga

Icyaha cyo gutangaza amakuru y'ibihuha

Icyaha cyo gucura umugambi wo kugirira nabi ubutegetsi buriho.

Urubanza ku ifungwa n'ifungurwa ry'agateganyo rwabaye ku wa 15 Nyakanga 2025. Ni mu gihe yatawe muri yombi ku wa 19 Kamena 2025.