Kuri uyu wa Gatandatu tariki 27 Nzeri 2025, byari biteganyijwe ko hakomeza shampiyona y'isi y'Amagare y'abatarengeje imyaka 19 ariko mu Bangavu.

Ni abakinnyi bari 72 baturutse mu bihugu bitandukanye bingana na 34. Abanyarwanda babiri nibo bari bitabiriye iri siganwa barimo Masengesho Yvonne ndetse na Uwiringiyimana Liliane.

Paula Ostiz Taco ukomoka muri Espagne niwe wegukanye iri siganwa mu Bangavu batarengeje imyaka 19 muri shampiyona y'isi y'Amagare . Uyu mukobwa yakoresheje amasaha abiri n'iminota icyenda n'amasegonga 19. 

Uwabaye uwa kabiri ni Umutaliyani witwa Chantal Pegolo wanganyije ibihe n'uyu wa mbere ndetse yongera anganya na Anja Grossman bose banganyije ibihe ahubwo batandukanwa nuko bagiye bakosa ipine ku murongo usorezwaho.

Abanyarwanda babiri bari bitabiriye iri siganwa barimo Masengesho Yvonne ndetse na Uwiringiyimana Liliane, uyu munsi babashije gusoza isiganwa. Muri iyi shampiyona y'isi ntabwo abanyarwanda bigeze basoza nkuko batangiye bangana ariko uyu munsi birabaye.

Mu kanya ku isaha ya Sasita n'iminota 5, haratangira gusiganwa Abagore babigize umwuga aho baraza gusiganwa intera ingana n'Ibirometero 164 na Metero 600 aho baratangirira kuri KCC bazenguruke inshuro 11 ari naho bongera gusoreza.

Paula Ostiz Taco yegukanye Shampiyona y'isi y'Amagare y'abatarengeje imyaka 19