Ni umukino wabaye mu ijoro ryacyeye tariki 23 Mata 2026. Wari umukino n’ubundi byitezwe ko ikipe ya Manchester City iraza kwitwara neza bijyanye ni uko Burnley n’ubundi yamaze kumanuka mu cyiciro cya kabiri nyuma y’umwaka umwe izamutse.

Igitego cyahesheje ikipe ya Manchester City cyatsinzwe na Erling Braut Halaand ku munota wa 5 nyuma y’umupira mwiza wari uvuye kuri Jeremy Doku. Manchester City nyuma yo gutsinda yahise ifata umwanya wa mbere ku rutonde rw’agateganyo rwa Shampiyona nubwo inganya amanota 70 na Arsenal FC.

Ikipe ya Manchester City iranganya kandi na Arsenal FC ibitego zizigamye bigera kuri 38, ariko kubera ibitego Manchetser City yinjije nibyo byatumye ifata umwanya wa mbere. Manchester City yinjije ibitego 66, naho Arsenal FC yo yinjije 63.

Ikipe ya Arsenal FC muri wikendi nibasha gutsinda umukino ifitanye na Newcastle United izahita yongera gufata umwanya wa mbere ariko irusha umukino umwe Manchester City yo izaba irimo gukina umukino wa 1/2 cya FA Cup na Southampton.

Indi mikino yaraye ibaye, ikipe ya AFC Bournemouth yatsinze bigoranye cyane ikipe ya Leeds ibitego 2-2, ihita igira amanota 49 ifata umwanya wa 7 irusha Chelsea FC inota rimwe.