Mu ijoro ryo ku wa Gatatu tariki 5 Ugushyingo 2025, ku mugabane w'i Burayi hakomezaga imikino ya UEFA Champions League. Amakipe akomeye arimo FC Barcelona, Manchester City, Chelsea FC n'andi yaraye akinnye.

Umukino wabanje ku isaha ya saa Moya z'ijoro, ni umukino wahuje Chelsea FC yari yakinnye na Qarabag FK urangira ikipe zombi zinganyije ibitego 2-2.

Ni umukino utari woroshye wagoye cyane Chelsea FC kuko yabanje igitego gitsinzwe na Estêvão kiza kwishyurwa na Leandro Andrade ku ruhande rwa Qarabag Fk ndetse itsinda icya Kabiri gitsinzwe na Marko Janković, maze Chelsea FC itangira gushaka uko yishyura biza kugenda neza ku munota wa 53, gitsindwa na Alejandro Garnacho ariko kubona igitego cy'intsinzi bikomeza kwanga.

Ku isaha ya saa Ine z'umugoroba nibwo hari hategerejwe imikino isa n'ikomeye aho ikipe ya Manchester City yagombaga gukina na Borussia Dortmund uza kurangira ikipe ya Manchester City itsinze ibitego 4-1. Ibitego bya Manchester City byatsinzwe na Erling Halaand, Phil Foden ndetse na Rayan Cherki. Igitego kimwe cyane Borussia Dortmund cyatsinzwe na Waldemar Anton.

Undi mukino wari utegerejwe ni uwahuje FC Barcelona na Club Brugge warangiye ikipe zombi zinganyije ibitego 3-3.

FC Barcelona yagowe cyane n'uyu mukino kuko ibi bitego byose yaje ibyishyura kuko Club Brugge yagaragaje urwego ruri hejuru ariko FC Barcelona igorwa no kugira ba myugariro bari ku rwego rwo hasi ndetse n'umuzamu utigeze ababanira cyane.

Ibitego ikipe ya FC Barcelona yatsinze byagizwemo uruhare na Lamine Yamal. Igitego cya mbere cyatsinzwe na Ferran Torres, Lamine Yamal ndetse na Christos Tzolis witsinze nyuma y'umupira wari uhinduwe na Lamine Yamal. Ikipe ya Club Brugge yatsindiwe na Nicolo Tresoldi ndetse na Carlos Forbs watsinze ibitego 2.

Indi mikino 

1. Newcastle United 2-0 Athletic Club 

2. Marseille FC 1-0 Atlanta

3. Inter Milan 2-1 Kairat Almaty

4. Benfica 0-1 Bayern Leverkusen 

5. Ajax 0-3 Galatasaray 

6. Pafos FC 1-0 Villarreal CF 

Erling Halaand yatsindiye Manchester City igitego