Umuhanzi wavumbutsemo impirimbanyi y'uburenganzira bwa muntu Bobi Wine ku wa 7 Ukwakira 2025 yiyamamarije ahitwa Kassanda, akarere ko mu birometero 110 uvuye I Kampala.

Ni igikorwa cyaranzwe n'ubwitabire ku kigero cyo hejuru dore ko ari mukandida rukumbi usa nk'uhanganye na Yoweri Kaguta Museveni uyoboye Uganda imyaka 39.

Bobi Wine afite igikundiro mu rubyiruko rwa Uganda dore ko ari nawo mubare mwinshi ugize icyo gihugu gituwe na miliyoni 51.4.

 Abasaga 43% bari munsi y'imyaka 15 y'amavuko. Abagande bangana na 53% bari hagati y'imyaka 16 na 65 naho 3% bari hejuru y'imyaka 65.

Bitewe nuko abakiri urubyiruko babayeho ubuzima bugoye ,uje wese abizeza impinduka bamukurikira buhumyi batitaye ko nawe ari kwishakira umugati.