Minisiteri y'Ingabo y'u Burusiya yatangaje ko igisirikare cy'icyo Gihugu kirwanira mu kirere, cyahanuye utudege tutagira abapilote ( drones) tugera ku 568 mu masaha 24.

Minisiteri y'Ingabo y'u Burusiya, yemeje kandi ko yahanuye ibisasu bya bombe icyenda Himars ziraswa mu kirere  zakorewe muri Leta Zunze Ubumwe za Amerika ndetse n'utwo tudege tutagira abapilote, twakoreshwaga ku bitero mu kirere kigenzurwa n'u Burusiya.

Guverineri w'Intara ya Leningrad, Alexander Drozdenko, yavuze ko iyo Ntara ayobora iri mu hantu hibasiwe n'ibitero by'utwo tudege tutagira abapilote by'umwihariko mu gace kitwa Vytosk kanafashwe n'inkongi y'umuriro kubera ibyo bitero ariko uwo murimo ukaba wazimijwe .

Intambara  y'u Burusiya na Ukraine imaze imyaka irenga 4 ariko ubwo Abakirisitu bo muri Kiliziya ya Orthodoxe bizihizaga pasika yaba ku cyumweru tariki ya 12 Mata 2026, Perezida w'u Burusiya Vradmir Putin na Zalensky bari bemeje gutanga agahenge hagahagarikwa imirwano kubera kwizihiza pasika ndetse hari hitezwe ko ako gahenge gashobora gutuma hahagarika imirwano burundi ariko ntibyakunze kuko Pasika yizihizwe intambara igakomeza uko byari bisanzwe.