Umuhanzi Yampano yatanze imbabazi ku bo yafungishije bazira gusakaza amashusho y’urukozasoni ari kurongora umugore/umukobwa byavuzwe ko ari uwe. Abanyamategeko batandukanye baganiriye na UKWELITIMES barimo n’umwe mu bunganiye abafungishijwe na kiriya cyaha cyo gusakaza cyangwa se gutuma hasakazwa amashusho y’urukozasoni basobanuye inzira byacamo kugirango ziriya mbabazi zigire agaciro mu Rukiko dore ko umwanzuro uzasomwa ku itariki 19 Gicurasi 2026 saa cyenda.

Umunyamategeko Fatikaramu Jean Pierre yabwiye UKWELITIMES ko”Umucamanza niwe usesengura izo Mbabazi,akaba ari we uziha agaciro. Icyakora arasabwa kuzishyira muri sisiteme y’urubanza”. Ibi yabihurijeho na Maitre Twagirayezu Joseph wavuze ko inzira bicamo ari ugufata inyandiko itanga imbabazi, ukayisinyisha kwa Notaire wigenga noneho ukayiha umunyamategeko ufite aho ahuriye na dosiye y’abaregwa akayishyira muri sisiteme.

Djhad yatawe muri yombi

Ikindi gishoboka ni ugufata ya nyandiko itanga imbabazi wasinyishije kwa Notaire ukayijyana ku Rukiko rufite urwo rubanza ubundi bakayishyira muri sisiteme, noneho umucamanza akazabifataho umwanzuro mu bushishozi. Me Twagirayezu Joseph yahishuye ko igihe cyose uwakorewe icyaha atanze imbabazi bifasha uregwa mu buryo bwo kugabanyirizwa ibihano.

Ibihe byaranze urubanza rwa Djihad, Kjohn n'abo bahuriye muri dosiye

Umwarimu w’amategeko muri Kaminuza yigenga ya ULK, Divine Abayo yabwiye UKWELITIMES ko icyaha cyo gusakaza amashusho y’urukozasoni kiri mu byaha by’inshinjabyaha aho uwagikoze aba yaragikoreye umuryango nyarwanda. Ubwo rero, mu gihe hatabayeho ukwiyunga ku watanze ikirego kikiri mu Bugenzacyaha kikarinda kigera mu Bushinjacyaha, wa wundi wareze aba yaratinze kubabarira kuko haba hari kuburana Leta ihagarariwe n’Ubushinjacya bushakira umuryango mugari ubutabera.

Basabiwe gufungwa iminsi 30 y'agateganyo

Yasobanuye ko ibintu bijyanye n’amashusho y’urukozasoni bibangamira ituze rya rubanda bityo bikaba bibangamira sosiyete. Yavuze ko gutanga imbabazi bishobora gutuma umucamanza yoroshya ibihano ariko ntabwo Ubushinjacyaha bwahagarika ikirego.Aha byumvikana neza ko imbabazi zidakuraho ikurikiranacyaha.

Ubujurire ku ifungwa n'ifungurwa ry'agateganyo bwateshejwe agaciro

Urega afite uburenganzira bwo guhagarika ikirego igihe cyose urubanza rutarasomwa cyangwa se ngo ikirego kizime ku bw’itegeko. Ingingo ya 4 y’itegeko No 22/2018 ryo ku wa 29 Mata 2018 ryerekeye imiburanishirize y’imanza z’imbonezamubano, iz’ubucuruzi iz’umurimo n’iz’ubutegetsi, uretse iyo itegeko riteganya ukundi,urega afite uburenganzira ku kirego cye bukurikira;gutanga ikirego,guhagarika ikirego igihe cyose urubanza rutarasomwa cyangwa ngo kizime ku bw’itegeko, kumvikana n’uwo baburana igihe cyose urubanza rutarasomwa.

Djihad amaze iminsi 147 muri gereza! Yampano yanditse imbabazi ku mbuga nkoranyambaga 

Ku manza z’inshinjabyaha habaho imbabazi igihe habayeho ubwumvikane bushingiye kukwemera icyaha’Plea bargainning’ itegeko ryerekeye imiburanishirize y’imanza z’inshinjabyaha riteganya uburyo uregwa yumvikana n’Ubushinjacya , uregwa yemera icyaha,nabwo bukamugabanyiriza ibihano.

Igihe cyose urubanza rutarasomwa uwatanze ikirego ashobora kugihagarika’withdrawal,suspension) igihe cyose urubanza rutarasomwa, kugirango hashakwe ibindi bimenyetso, cyangwa se habeho ubwumvikane, indishyi se n’ibindi biteganywa n’amategeko. Ikindi ni uko urega ashobora gukuzamo ikirego (striking out,discontinuance).

Djihad yakatiwe imyaka itatu, Pazzo Mana agirwa umwere

Ibi biba igihe urega yikuye mu rubanza burundu agasezera kukurega uwo yaregaga. Bishobora guterwa n’uko bumvikanye hanze y’urukiko cyangwa se urega agasanga ikirego cye nta shingiro gifite. Iyo mwumvikanye mukora inyandikomvugo y’ubwumvikane, mukabimenyesha urukiko kugirango ikirego gihagarare. Mu gihe nakoraga iyi nkuru, Yampano yamenye ko inzira zose zisabwa kugirango imbabazi zigere muri sisiteme agomba kuzinyuramo ku neza y’abafunzwe bityo bakazadohorerwa igihano nkuko yabihamirije UKWELITIMES. Izo nzira zose zikorwa kugirango hubahirizwe ihame ry'ubutabera nsanasano.