Ubwo yatangaga iki kirego, komite ishinzwe imyitwarire yasabye Uduaghan  ko yahagarikwa amezi atandatu kuko ngo basanze arimo guharabikana.

Abasenateri bavuze ko ihagarikwa rye rigabanywa kugeza ku mezi atatu ariko benshi batoye ko  yakomeza guhagarikwa amezi atandatu.

Impirimbanyi mu baharanira  uburenganzira bw'umugore ,Hadiza Ado ,yabwiye BBC ko ihagarikwa rya Senateri Uduaghan ribabaje kuko atagakwiye guhohoterwa ngo  n'atanga ikirego ahagarikwe..

Madamu Ado washinze umuryango urengera abagore n’abana, yavuze ko agiye gukora ibishoboka byose hagakorwa iperereza ryimbitse bityo uyu musenateri arenganurwe. Ati “Twakurikiranye cyane ibyabereye mu Nteko kandi twizera ko iperereza ku birego bya Natasha rizakorwa neza.”

Mu basenateri 109, bane gusa ni abagore.Byumvikane ko hasigayemo batatu kuko umwe  yahagaritswe.

Ku wa gatatu, amatsinda abiri y’abigaragambyaga, yateraniye ku Ngoro y'Inteko Ishinga Amategeko , Abuja , bavuga ko Perezida wa Sena agomba kwegura.

 Abagore benshi ku mbuga nkoranyambaga, na bo bagaragaje uburakari bwabo kubera ihagarikwa rya Natasha , bamwe bagereranyije gukandamizwa.