Umuhanzi Ross Kana uri mu bari kwitwara neza muri iyi minsi na Sheebah Karungi umaze ikinyacumi akunzwe mu muziki bazataramira abazitabira Comedy Store izabera kuri Uma Ground Show Lugogo mu murwa mukuru, Kampala. 

Ku wa 26 Ugushyingo 2025 hategerejwe igitaramo cy'abanyarwenya giha umwanya abanyempano mu byiciro bitandukanye yaba abaririmbyi,abavanga imiziki, abanyarwenya n'abandi.

Umuhanzi Ross Kana uri kubarizwa I Kampala yashyizwe ku rutonde rw'abarimo Sheebah Karungi, Lydia Jazmine, Vinka ,Irene Ntale, Geosteady n'abandi.

Ku rundi ruhande ariko abanyarwenya bazasusurutsa abafana barimo; Mc Mariach, Madrat&Chiko, Dr Hillary Okello uzahita yerekeza I Kigali muri Gen-Z Comedy Show. 

Comedy Store, ni ibitaramo ngarukacyumweru, biba buri wa gatatu. Bitegurwa na Alex Muhangi uri mu banyarwenya batunze agatubutse mu myidagaduro y'i Kampala. Ross Kana aherutse gutaramira mu kabari k'i Kampala kitwa Paradigm kari mu tugezweho.