Mu ijoro ryacyeye tariki 22 Ukwakira 2025, hakomeje imikino ya UEFA Champions League aho amakipe arimo Real Madrid na Juventus FC zari zigabye mu kibuga, umukino urangira Real Madrid itsinze igitego 1-0. 

Uyu mukino waruhije cyane Real Madrid kuko Juventus yaje ubona ko nayo ishaka kwitwara neza ariko birangira Jude Bellingham atsindiye Real Madrid igitego aba ari nacyo kirangiza umukino.

Muri iyi mikino ya UEFA Champions League abakunzi benshi ba Chelsea FC bari bategereje ikipe yabo yari bukine na Ajax FC yari yaje mu Bwongereza ariko ihurirayo n'ibibazo kuko yatsinzwe ibitego 5-1. Ibi bitego bya Chelsea FC byatsinzwe na Marc Guiu, Moses Caicedo, Enzo Fernandez, Estêvão Willian na Tyrique George. Ku ruhande rwa Ajax, igitego cyayo cyatsinzwe na Wout Weghorst.

Abakunzi ba Liverpool FC nabo bari bategereje ikipe yabo yari irimo kunyagira Eintracht Frankfurt yo mu Budage ibitego 5-1. Liverpool FC yari imaze igihe ititwara neza yatsindiwe na Hugo Ekitiké, Virgil van Dijk, Ibrahima Konaté, Cody Gakpo, Dominik Szoboszlai. Igitego kimwe cya Frankfurt cyatsinzwe na Rasmus Kristensen.

Kuva UEFA Champions League yatangira Saison 2025-2026, ikipe zirimo Paris Saint-Germain, Bayern Munich, Arsenal FC, Real Madrid hamwe na Inter Milan ntabwo ziratakaza umukino n'umwe kuko zifite amanota 9/9. Liverpool FC iri ku mwanya wa 10 n'amanota 6 naho Chelsea FC iri ku mwanya wa 11 ifite amanota 6.

Indi Mikino 

Bayern Munich 4-0 Club Brugge 

Athletic Club 3-1 Qarabag FK 

Galatasaray 3-1 Bodoe/Glimt

AS Monaco 0-0 Tottenham Hotspur 

Atalanta 0-0 Slavia Prague

Sporting CP 2-1 Marseille

Real Madrid yatsinze Juventus FC igitego 1-0

Liverpool FC yitwaye neza nyuma y'igihe 

Estêvão yatsindiye Chelsea FC igitego muri 5 byabonetse