Umuziki ufite amamuko 'inkomoko' muri Nigeria wamaze kurenga imipaka y'Afurika ku buryo abahanzi bagezweho muri Amerika y'amajyepfo nka Colombia, Puerto Rico,Venezuela n'ahandi bari gukora album ziri mu njyana ya Afrobeats.

Mu cyumweru cyahariwe kwizihiza umuziki 'Latin Music Week 2025 'w'abaratini ari nabwo haba itangwa ry'ibihembo byitwa'Billboard Latin Music Awards' aho kuri iyi nshuro umuhanzi Bad Bunny azahabwa igihembo cy'umunyabigwi nk'umuhanzi w'ikinyejana cya 21.

Abahanzi barimo; Toyota,Humberside,Ozuna,Kapo na Venesti bari mu bari batumiwe gutanga ikiganiro kuri Billboard kigaruka ku mpinduramatwara ziri kuba mu muziki wo muri Amerika y'amajyepfo by'umwihariko uburyo bari guhuza amajwi y'abo na Afrobeats. 

Ni ikiganiro cyari gifite insanganyamatsiko yo kubaha inkomoko na gakondo y'umuziki. Cyabaye ku wa 21 Ukwakira 2025 kiyoborwa n'umunyamakuru wa Billboard Jessica Roiz.

Muri icyo kiganiro Goyo yavuze ko afite album yakoze iri muri Afrobeats ikaba yitwa 'Pantera'.

Uyu muhanzi wo muri Colombia yavuze ko gukora Afrobeats utari uwo muri Nigeria byamuhaye amahirwe menshi yo kubona abafana kuko yari azanye ibintu bishya.

Mugenzi we Ozuna nawe yavuze ko yakoze indirimbo ashyiramo Afrobeats bibyara reggaetón,kandi abona ari ibintu byatanze umusaruro.

Abahanzi bo muri Colombia barimo Kapo wakoze Ohnana, na Venesti wakoze 'Umaye' byabafunguriye imiryango ku buryo izo ndirimbo zagize itafari zishyira ku mazina yabo.

Venesti yasobanuye ko yakoze iyo ndirimbo iri muri Afrobeats abantu barayikunda cyane bityo asinyana na AP Global. 

Iyo ndirimbo yitwa Umaye niyo yabaye iya mbere kuri Billboard. 

Latin Music Week imaze imyaka 30 aho abahanga mu muziki wo muri Amerika y'amajyepfo bicara bakaganira ku cyateza imbere umuziki wo muri biriya bice.

Billboard Latin Music Awards 2025 biratangwa kuri uyu wa kane tariki 23 Ukwakira. Biraca kuri Telemundo na Peacock.