Perezida wa Leta Zunze Ubumwe z'Amerika Donald Trump yategetse igisirikare ko bagomba gutangiza gahunda yo kugerageza ibitwaro kirimbuzi.

Amerika yahagaritse iryo geragezwa mu 1992. Ni imyaka 32 ishize batagerageza ibitwaro ariko ibindi bihugu nk'Uburusiya,Ubushinwa na Koreya ya ruguru ni ibintu bagize akazi.

Trump yasobanuye ko nta gihugu na kimwe mu isi kirusha Amerika ibitwaro bya kirimbuzi.

BBC yaanditze ko bigoye kumenya igihugu gitunze ibitwaro kirimbuzi byinshi icyakora iyo bagenerekeje bavuga ko Uburusiya buza ku isonga n'ibisaga 5459. Amerika ikagida 5177. Ubushinwa bukagira 600.

Mu Burayi Ubufaransa nibwo buza ku isonga n'ibisaga 290. Ubwongereza bufite 225, Ubuhinde 180, Pakistan 170, Israel 90, Koreya ya ruguru 50. Ubushinwa barateganya gutunga ibitwaro kirimbuzi bisaga 1000 mu 2030. 

Hari ku wa 23 Nzeri 1992 ubwo Amerika yageragezaga ibisasu kirimbuzi byanyuze mu nsi y'inyanja muri Leta ya Nevada.

Nyuma rero habayeho amasezerano yo guhosha intambara y'Ubutita bityo hasinywa amasezerano yo kutazongera kugerageza ibitwaro kirimbuzi. 

Abahanga mu bijyanye n'igeragezwa ry'ibitwaro kirimbuzi bavuga ko bishobora gutwara amezi 36 kugirango Amerika yubake neza aho kugeragereza ibyo bisasu.

Muri Nyakanga 1945 Amerika yagerageje bomb atomic mu butayu bwa Alamogordo, New Mexico. Nyuma y'ukwezi kumwe hari mu Kanama 1945 yakoresheje bwa mbere ibisasu kirimbuzi ku mijyi ya Hiroshima hapfuye 140,000 no muri Nagasaki hapfuye 74,000 mu ntambara y'isi ya kabiri.