Perezida wa Leta Zunze Ubumwe z'Amerika Donald Trump yahakanye amakuru yari amaze iminsi yo kwiyamamariza manda ya Gatatu mu gihe itegeko nshinga ry'Amerika ritemerera umuperezida kwiyamamariza manda ya gatatu.

NBC yanditse ko Donald Trump yabwiye abanyamakuru ko atabyemerewe kwiyamamariza indi manda bitewe n'uko itegeko nshinga ritabimwemerera. Yagize ati"Ni bibi cyane kuko ntibyemewe".

Ibi yabivuze mu gihe perezida w'inteko ishinga amategeko unutwe w'Abadepite Mike Johnson yari yabwiye abanyamakuru ko nta nzira zihari zo kuba Perezida Donald Trump yaguma muri White House kuko ntibishoboka.

Bwana Mike Johnson yasobanuye ko guhindura itegeko nshinga kurihindura bishobora gutwara ikinyacumi kandi buri Leta yose igomba kubyemera noneho abadepite bagatora ku bwiganze bemeza umushinga wo guhindura Itegekonshinga.