Mu ijoro ryo ku wa mbere tariki 22 Nzeri 2025, guhera ku isaha ya saa Tatu, nibwo mu gihugu cy'ubufaransa hatanzwe ibihembo bya Ballon d'Or 2025.

Abakinnyi barimo Lamine Yamal, Osmane Dembele, Raphinha, Vitinha ndetse n'abandi bari bahanganiye iyi Ballon d'Or ariko Osmane Dembele wabonaga n'ubundi ari we ufite amahirwe menshi bijyanye nuko yitwa muri Saison 2024-2025.

Mbere yo guhabwa iyi Ballon d'Or kwa Osmane Dembele ku manota Lamine Yamal niwe wagaragazaga ko afite amanota menshi mu batowe ariko France Football isanzwe itanga iki gihembo yafashe umwanzuro wo kugihereza Osmane Dembele.

Osmane Dembele yatwaranye ibikombe 4 na Paris Saint-Germain ariko kandi akora n'imibare myiza ku giti cye. Dembele yakinnye imikino 53 yatsinze ibitego 35 atanga imipira yavuyemo ibitego 16. Uyu musore niwe wahawe igihembo cy'uwatsinze ibitego byinshi mu Bufaransa.

Ibindi bihembo byatwawe.

Lamine Yamal yahawe igihembo cy'umukinnyi mwiza ukiri muto ku nshuro ya Kabiri aba abaye umukinnyi wa mbere ubikoze mu mateka y'umupira w'amagaru ku isi kugeza ubu. Lamine Yamal yatwaye iya 2024, ndetse n'iy'uyu mwaka.

Igihembo cya Ballon d'Or mu bagore cyatwawe na Aitana Bonamati ukina mu kibuga hagati muri FC Barcelona. Uyu mukinnyi kazi atwaye iki gikombe ku nshuro ya Gatatu yikurikiranya kuva muri 2023 nta wundi urayihabwa.

Muri ibi bihembo bya Ballon d'Or umuzamu urimo gukinira Manchester City, Gianluigi Donnarumma niwe watwaye igihembo cy'umuzamu mwiza. Saison nziza Donnarumma yayikoreye muri Paris Saint-Germain ubwo yafashaga iyi kipe gutwara ibikombe 4 birimo UEFA champions league.

Ikipe y'umwaka muri ibi bihembo yabaye Paris Saint-Germain. Iyi kipe yatwaye UEFA champions league, League 1, igikombe cy'igihugu ndetse na Super Cup itsinze Tottenham Hotspur ibitego 3-2. Ikipe y'umwaka mu bagore yabaye Arsenal WFC.

Osmane Dembele yatwaye Ballon d'Or bwa mbere 

Lamine Yamal yahawe igikombe cy'umukinnyi ukiri muto 

Uri ni urutonde rw'abakinnyi 10 baje imbere mu bihembo bya Ballon d'Or 

Gianluigi Donnarumma yabaye umuzamu w'umwaka 

Aitana Bonamati yabaye umukinnyi w'umwaka mu Bagore

Umutoza mwiza yabaye Louis Enrique utoza PSG

Ikipe y'umwaka yabaye Paris Saint-Germain