Nyuma y’uko kwikura muri uyu muryango, hari abasabye ko byafatirwa ibihano ariko umuyobozi w’uyu muryango Madame Louise Mushikiwabo we siko abibona kuko  kubihana  ngo atariwo muti.

Mu kiganiro aherutse kugirana na Televiziyo mpuzamahanga y’Abafaransa TV 5 Monde, yavuze  ko atemera ko guhana ibi bihugu baherutse kwivana mu muryango ayoboye ari yo nzira nziza.

 Asanga inzira nziza ariyo kubyegera bakaganira bakabona akamaro ko kwishyira hamwe, naho guhanwa byo ntacyo biri buhindure nta cyo byaba bimaze.

Ati: “Sinemeranya no kuba inzira yo guhana ari yo nziza. Ntabwo nshyigikiye ibihano keretse igihe gusa byaba bifite icyo bihindura.”

Mushikiwabo asanga ari ngombwa kwicarana na byo hakarebwa uko byakomorerwa  nk'uko byagenze kuri Guine Conakry. 

Kuri uyu wa Kane tariki 20 Werurwe 2025 uyu muryango wa OIF wizihije imyaka 55 umaze ubayeho kuko washinzwe kuri iyi tariki mu mwaka wa 1970.