Mu ijoro ryacyeye tariki 15 Ukuboza 2025, nibwo Manchester United yakinnye na AFC Bournemouth umukino urangira ikipe zombi zinganyije ibitego 4-4. Wari umukino uryoheye ijisho kuko wabonaga amakipe yombi yatakana mu buryo bukomeye bijyanye nuko aya ari amakipe agerageza gutsinda ariko kurinda bikanga.

Ikipe ya Manchester United hakiri kare cyane Amadi Diallo yatsinze igitego cya mbere ku munota wa 13 ariko ku munota wa 40 Antoine Semenyo ahita atsinda igitego cyo kwishyura. Ku munota wa 45, Casemiro yatsinze igitego cya Kabiri ku ruhande rwa Manchester United, ku munota wa 77, Bruno Fernandes atsinda icya Gatatu ndetse na Matheus Cuhnaa atsinda icya Kane ku munota wa 79.

Ikipe ya Bournemouth nyuma y'igitego cyatsinzwe na Semenyo ku munota wa 40, 

Evanilson yatsinze igitego cya Kabiri ku munota wa 46, Marcus Tavernier atsinda igitego cya gatatu ku munota wa 52, Eli Junior Kroupi atsinda igitego cya Kane. Umukino waje kurangira ikipe zombi zigabanye amanota.

Ikipe ya Manchester United nyuma yo kunganya yagumye ku mwanya wa 6 n'amanota 26. Naho AFC Bournemouth yo yahise igira amanota 21 yicaye ku mwanya wa 13.