Iri rushanwa rifite umwihariko wihariye kuko riba mu rwego rwo kwibuka abahoze ari abakinnyi, abatoza, abayobozi ndetse n’abakunzi ba Volleyball bazize Jenoside yakorewe Abatutsi, bakibukwa biciye mu mukino bakundaga.

Mu gihe ryasubikwaga ibihugu bya Kenya na Uganda byari bimaze kwemera kuzitabira bigaragaza ko rikomeje kugumana ireme n’agaciro ku rwego mpuzamahanga.

Ubwo ryaherukaga kuba mu 2024 Police VC yegukanye igikombe mu cyiciro cy’abagabo itsinze Gisagara VC amaseti 3-0, mu gihe mu bagore APR WVC yatsinze RRA WVC ku maseti angana gutyo.

Kugaruka kw’iri rushanwa n'ikimenyetso gikomeye cy’ubudacogora mu kwibuka binyuze mu mikino ndetse no gukomeza kuzamura urwego rwa Volleyball mu Rwanda no mu karere.

Abakunzi b’uyu mukino biteze byinshi kuko iri rushanwa ritanga amahirwe yo kwerekana impano nshya, guhuza imico itandukanye no kongera kwibuka mu buryo bwubaka binyuze mu marushanwa afite intego n’agaciro gakomeye.

Biteganyijwe ko iri rushanwa ritangira ku italiki ya 20 kugeza 20 kamena 2025.