Kinyarwanda
English
Swahili
Kwivana muri UNESCO kwa Amerika bihuriye he n'intambara ya Isreal na Palestine?
Leta Zunze Ubumwe za Amerika zatangaje ko zavuye mu Ishami ry’Umuryango w’Abibumbye rishinzwe uburezi, siyansi n’umuco (UNESCO), kuko zitakibonamo inyungu.
Mu itangazo ryashyizwe ahagaragara na Minisiteri y’Ububanyi n’Amahanga y’Amerika, havugwamo ko icyo gihugu cyamaze kumenyesha Umuyobozi Mukuru wa UNESCO, Audrey Azoulay, icyemezo cyo guhagarika ubunyamuryango bwa Amerika, kikazatangira gushyirwa mu bikorwa kuva ku wa 31 Ukuboza 2026.
Amerika ishimangira ko UNESCO ikomeje gushyira imbere gahunda zihuriza Isi yose hamwe, cyane cyane izijyanye n’intego z’iterambere rirambye (SDGs), mu gihe politiki yayo yibanda ku nyungu zayo bwite mbere y’iz’abandi.
Ibi byiyongeraho impungenge Amerika ifite ku cyemezo giherutse gufatwa na UNESCO cyo kwakira Palestine nk’umunyamuryango mushya, ibintu ibona nk’ikibangamira Israel ndetse kikaba cyateza imbere imvugo n’ibikorwa biyirwanya ku rwego mpuzamahanga.
Leta Zunze Ubumwe za Amerika ziri ku ruhande rwa Isreal no mu ntambara urwanamo na Palestine, bigaragara ko zafashe uruhande mu buryo bweruye kugeza aho zikura no muri iri shami ry'Umuryango w'Abibumbye.
Binyuze muri ubu butumwa, Amerika yavuze ko hari igice kinini cy’ibikorwa bya UNESCO kidahuye n’imigambi yayo, bityo igahitamo kwitandukanya n’iri shami ry’Umuryango w’Abibumbye.
Tags:
