Filime yo muri Koreya y’Epfo yitwa’Kpop Demon Hunters’ yatwaye ibihembo bibiri muri Oscar, ibihembo byatanzwe ku nshuro ya 98. Byatanzwe ku wa 15 Werurwe 2026 bitangwa na The Academy of Motion Picture Arts and Sciences. Byatangiwe I Los Angeles, Hollywood muri Dolby Theatre.

Umuhanzikazi Ejae, uri mu baririmbye'Golden'ubwo yafataga igihembo

Mu itangwa ry’ibihembo abaririmbye ‘Golden’ barimo;Ejae, Audrey Nuna na Rei batwaye igihembo cy’indirimbo yakoreshejwe muri filime’Sound track’yitwa’Golden’ yakoreshejwe muri filime nayo yatwaye igihembo KPop Demon Hunters.

Rei Ami, Ejae and na Audrey Nuna baririmbye 'Golden' yatwaye Oscar

Iyi filime yatwaye igihembo cya filime ifite indirimbo nziza’Best Original Song’ n’igihembo cya filime’Best Animated Feature’.

‘Golden’ yabaye indirimbo ya mbere yo muri Koreye y’Epfo itwaye Oscar. Itangwa ry’ibihembo byitabiriwe n’abarimo Leonardo DiCaprio, Michael B.Jordan.

Filime yitwa’Kpop Demon Hunter’ yagiye hanze muri Kamena 2025. Kuri Netflix yabaye iya mbere yarebwe cyane n’abasaga miliyoni 500. Ni filime yamaze ibyumweru umunani ari iya mbere kuri Netflix. Indirimbo yayo yamaze igihe kinini kuri Billboard Hot 100.