Kinyarwanda
English
Swahili
Kenya: Umwarimu afunzwe azira kwiyitirira umukobwa wa Perezida Ruto
Umwarimu witwa Mainga, Danstan Omari , wigisha ku ishuri ryisumbuye (JSS) yagejejwe imbere y’urukiko kuri uyu wa Kane nyuma yo gushinjwa kwiyitirira umukobwa wa Perezida William Ruto, June Ruto, ku mbuga nkoranyambaga(Facebook).
Yasabiwe kuba afunzwe by’agateganyo mu gihe cy’iminsi irindwi kugirango adatoroka, gusa abamwunganira mu mategeko bo basaba ko yarekurwa kuko ari umwarimu uzwi, ufite aho abarizwa kandi yanditswe mu rugaga bityo ko ntaho yacikira.
Ubuyobozi bushinzwe iperereza ku byaha (DCI) , bwasabye ko bwahabwa igihe gihagije cyo gukusanya ibimenyetso bikomeye, birimo inyandiko zo ku mbuga nkoranyambaga ukekwaho icyaha yaba yarakoresheje.
Urukiko rwanzuye ko ruba rufunze uyu mwarimu kugeza ku munsi w’ejo ku wa Gatanu.
