Nk’uko byatangajwe n’ibitangazamakuru byo muri Isiraheli, ayo masezerano ateganya ko abafashwe bugwate na Hamas bose bagiye kurekurwa, ndetse ibikorwa bya gisirikare, leta ya Isiraheli yakoreraga ku butaka bwa Palesitina cyane cyane muri Gaza bigahita bihagarikwa.

Abayobozi ba Isiraheli bavuze ko iyi ari intambwe ikomeye igana ku mahoro, nubwo hari abagaragaje impungenge ko ibyo byemezo bishobora kuba bigoye gushyirwa mu bikorwa mu gihe Hamas nayo itaragaragaza neza aho ihagaze n'uko izabyitwaramo.

Perezida wa Leta z'unze ubumwe za Amerika Donald Trump, watangije uwo mugambi mu rwego rwo kugarura ituze mu Burasirazuba bwo hagati, nawe yahise atangaza ko intego ari ugushaka amahoro arambye no guha abaturage bose amahirwe yo kubaho mu mutekano n’iterambere.