Kinyarwanda
English
Swahili
Imirwano ikaze hagati ya M23 na FARDC yibasiye Rutshuru
Kuri uyu wa Mbere, tariki ya 13 Ukwakira 2025, mu midugudu itandukanye yo muri Gurupoma ya Bukombo, iri muri Teritwari ya Rutshuru mu Ntara ya Kivu y’Amajyaruguru muri Repubulika Iharanira Demokarasi ya Congo (RDC), habaye imirwano ikaze hagati y’abarwanyi b’ihuriro rya AFC-M23 n’inyeshyamba za Wazalendo zifatanyije n’ingabo za Leta (FARDC).
Amakuru yemezwa n’ibinyamakuru bitandukanye birimo Actualité.cd, avuga ko iyi mirwano yatangiye mu cyumweru gishize, yibanda cyane mu midugudu ya Mashango, Kanyatsi na Kibwe, aho yasize abaturage benshi basiga ibyabo bahungira ahari umutekano muke ariko bakeka ko hagerwaho n’ingabo za Leta.
Iyi mirwano yatumye abaturage batagira aho berekeza, bamwe berekeza Bukombo Centre abandi bajya mu duce duturanye n'aho bagerageza gushaka ubuhungiro. Amakuru avuga ko Inzu nyinshi zasenywe, zimwe zigasenywa n’amasasu, izindi zigashya nyuma yo gutwikwa n’abarwanyi b’impande zombi.
Imirwano yageze no mu bindi bice bya Kivu y’Amajyaruguru
Usibye Bukombo na Tongo, imirwano yabereye no mu mijyi ya Lukweti (Masisi) na Kibati (Walikale), aho abarwanyi ba M23 bahanganye n’imitwe yitwaje intwaro irimo Wazalendo iyobowe na Jean Marie Bonané ndetse n’umutwe wa NDC wa Guidon Mwisa.
Kugeza ubu, FARDC n’abayobozi ba M23 ntibaragira icyo batangaza ku buryo burambuye kuri iyi mirwano, mu gihe abaturage bo bakomeje gusaba amahanga kugira icyo akora ngo ubuzima busubire mu buryo.
