Ni umukino wabaye kuri uyu wa Gatatu tariki 18 Gashyantare 2026. Ikipe ya Rayon Sports yahisemo gukoresha abakinnyi biganjemo abatabanza mu kibuga ndetse baza no kwitwara neza nubwo bahushije ibitego byinshi.

Rayon Sports yaje gutsinda igitego cya mbere ku munota wa 46, gitsinzwe na Fall Ngagne. Uyu mukinnyi yaje gutsinda igitego cya kabiri ku munota wa 66 n'ubundi ku mupira mwiza yahawe na Joachin. 

Umukino waje kurangira ikipe ya Rayon Sports ibonye intsinzi y'ibitego 2-0. Ntabwo abakinnyi bigeze bishimira uko bitwaye ariko kandi abafana nabo mu mukino wabonaga barimo kugaragaza kutanyurwa n'ibyo ikipe yabo irimo gukora.

Ikipe ya Rayon Sports nyuma yo gutsinda uyu mukino ubanza wa 1/8 mu gikombe cy'Amahoro, igiye gukomeza imyiteguro y'umukino wa Shampiyona w'umunsi wa 21 izakinamo na Mukura Victory Sports kuri uyu wa Gatandatu tariki 21 Gashyantare 2026.