Ibihembo bya HiPipo bigiye gutangwa ku nshuro ya 14. Bifite ibyiciro 12 bitorwa n'abafana binyuze kuri Website, n'icyiciro kidasaba gutorwa ahubwo akanama kabitegura karicara bagahitamo abagize uruhare mu iterambere ry'umuziki muri Afurika. 

Ni ibihembo bitegurwa na Sosiyete yitwa Level One Project iyoborwa na Natasha Museveni,umukobwa wa Perezida Yoweri Kaguta Museveni. Ni ibihembo birimo abahanzi bo mu karere no hanze y'Afurika y'iburasizuba.

Bamwe mu babitegura babwiye UKWELITIMES ko uwatwaye igihembo bamuha ibahasha irimo amashilingi ya Uganda ari muri miliyoni 20.

 Umuhanzi w'i Mahanga wegukanye igihembo ahabwa $10,000 mu ibahasha.

Ni ibihembo birimo ingengo y’imari irenga $100,000 bitewe n'abafatanyabikorwa. Kuri ubu itike ya make yo kuzinjira yashyizwe ku mashilingi 100,000, iya Vip ni 200,000 Ugx, iya Vvip ni 500,000 Ugx n'imeza ya miliyoni 3 Ugx.

 Ibihembo bizatangwa ku 14 Ugushyingo 2025 muri Kampala Serena Hoteli.