Kinyarwanda
English
Swahili
Gen. Muhoozi yemeje ko ari gukakaza umurinzi wa Bobi Wine
Umugaba Mukuru w'Ingabo za Uganda, Gen. Muhoozi Kainerugaba yatangaje ko ari we ufite Eddie Mutwe wari umaze iminsi aburiwe irengero.
Eddie Mutwe, asanzwe ari umurinzi wa Robert Kyagulanyi Ssentamu[Bobi Wine] washinze ishyaka National Unity Platform (NUP).
Gen. Muhoozi Kainerugaba aciye kuri X, yatangaje ko kuri ubu afite Eddie Mutwe mu nyubako ye yo hasi izwi nka 'Basement' mu ndimi z'amahanga ndetse ko yamaze no kogoshwa ubwanwa.
Bobi Wine utavuga rumwe n'ubutegetsi bwa Perezida Museveni, ku wa 27 Mata 2025 nibwo yatangaje ko Eddie Mutwe yaburiwe irengero, ndetse yashimuswe n'abasore bambaye impuzankano z'umutwe udasanzwe mu gisirikare cya Uganda (SFC) bamukuye mu Karere ka Mukono.
Gen. Muhoozi mu gusiba Bobi Wine, yamwemereye ko abahungu be bafashe Eddie Mutwe, ndetse ikintu cya mbere bamukuyeho ari ubwanwa bwe.
Yagize ati "Ari mu nyubako yanjye yo hasi [Basement]. Ari kwiga Ikinyankole. Ni wowe utahiwe!"
Edward Ssebufu uzwi nka Eddie Mutwe asanzwe ari umurinzi wa Robert Kyagulanyi (Bobi Wine)
Eddie Mutwe mbere yo gufatwa Gen. Muhoozi Kainerugaba
