Kuri uyu wa mbere tariki 10 Gashyantare 2025, Bukayo Saka abinyujije ku mbuga nkoranyambaga ze ndetse n’izi kipe ya Arsenal FC yashyize ahagaragara amafoto yerekana inkovu yaho yabazwe imvune yagize umwaka ushize wa 2024.

Bukayo Saka aya mafoto yashyize ahagaragara agaragaza inkovu iri munsi y’itako aho yabazwe imvune yagize ubwo Arsenal FC yakinaga n’ikipe ya Crystal Palace, yasuzumwa bagasanga azamara hanze amezi.

Bukayo yerekana aya mafoto, yashyizeho akamenyetso ubona amenyesha abakunzi be ko ari igihe gito nawe akaba yagarutse mu ikipe nyuma y’igihe mu mvune.

Iyi mvune ya Bukayo Saka yemejwe n’umutoza Mikel Arteta tariki 28 Ukuboza 2024 mu kiganiro n’itangazamakuru gitegura umukino yari agiye gukina na Ipswich Town, avuga ko abaganga ba Arsenal FC bemeje ko Bukayo azamara hanze y’ikibuga amezi 2 ariko bagiye gushakira ubisubizo ahandi.

Bukayo Saka amaze kuvunika, umutoza Mikel Arteta yahise ashaka ubundi buryo azajya abonamo ibitego bitewe ni uko uyu mukinnyi yari umwe mu bo ikipe ya Arsenal FC yubakiraho umukino wayo wo gushaka ibitego. Arsenal FC yaje kongera kuvunikisha kadi rutahizamu Gabriel Jesus, wari umaze iminsi nawe agaragaza urwego ruri hejuru.

Ikipe ya Arsenal FC mu gihe itegereje gusubukura imikino ya shampiyona iri mu mpera z’iki cyumweru, iri gukorera umwiherero i Dubai kugirango abakinnyi bagarure ibitekerezo bizima. Uyu mwiherero wasabwe na Mikel Arteta wanabikoze umwaka ushize nyuma yaho iyi kipe ye yari imaze iminsi yitwara nabi muri shampiyona.