Byatangajwe n’ubuyobozi bwa AFC/M23, ko  mu gitero cy’ibisasu byaturikiye ahaberaga inama yari yabuhuje n’abaturage b’i Bukavu hari abacyekwa bamaze gutabwa muri yombi.

Amakuru yituritswa ry’ibi bisasu yamenyekanye kuri uyu wa Kane taliki 27 Gashyantare 2025. Bivugwa  ko ubutegetsi bwa DRC bwashakaga guturitsa ibisasu kuri sitasiyo ebyiri z’ibikomoka kuri Peteroli kugira ngo bwivugane benshi.

Iki gitero cyagabwe ubwo ubuyobozi bwa AFC/M23 bwariho bukorana inama n’abaturage bo mu mujyi wa Bukavu uherutse kubohozwa n’umutwe wa M23.

Mu Butumwa bwatanzwe na Perezida wa M23, Betrand Bisimwa mu ijoro ryo kuri uyu wa Kane, yihanganishije ababuze ababo anatangaza ko ababuze ubuzima bagera kuri 13  babuze ubuzima naho abagera kuri 72 barakomereka.

 Bertra Bisimwa  yavuze ko bamwe mu bakekwaho kugira uruhare muri ubu bugizi bwa nabi  batawe muri yombi n’ubutasi bwa AFC/M23.

Uyu muyobozi avuga ko ubutasi bw’uyu mutwe bwatahuye ko ubutegetsi bwa Kinshasa bwari bwateguye gutera ibibombe kuri sitasiyo ebyiri z’ibikomoka kuri Peteroli z’amarembo yinjira ahaberaga inama, baza guhindura umugambi nyuma yuko abasirikare ba M23 boherezwa ari benshi aho hantu hombi.