Mu myaka 29 bamaze babana nk'umugore n'umugabo, Akon na Tomeka Thiam bahindutse inkwenene ku mbuga nkoranyambaga bitewe nuko umugambi wa Tomeka Thiam yakubise igihwereye ku mugambi yari afite wo kugabana miliyoni €100,000. 

Aya makuru yabaye nk'ayasekeje abantu bakunda Akon ubwo bumvaga ko kuri konte ya banki asigaranyeho $10.000 bivuze ko bazagabana $5000 kuri buri umwe niyo azatwara.

Uyu mugore yari yamuteze umutego aziko bagiye gusaranganya ubutunzi bwose baruhiye mu myaka 29 babana.

Nyamara Akon yamenye ko umunsi umwe bizaba bibi cyane ibyo yaruhiye bikagaterwa hejuru.

Akon yigiriye inama yo kwandikisha ubutunzi bwe kuri nyina ku buryo rwose agaragara nk'umukene mu gihe isi imuzi nk'umuhanzi wahiriwe.

Akon usibye ubucuruzi bw'umuziki, akora ibijyanye n'ubwubatsi bw'amazu, akaba anafite Akon Lighting Africa Initiative.

Kugeza ubu,imibare yerekana ko Akon afite akayabo ka miliyoni $60 kuri konte ya nyina. Kuri ubu rero hategerejwe kumva icyo umugore wa Akon azatangaza nyuma y'uko asanze Akon ari umukene kandi yari aziko bagiye gupasura ibyo bagezeho mu myaka 29 y'ubwamamare.