Ku wa 02 Werurwe 2026 umuyobozi wa Suno, bwana Mikey Shulman yasobanuye ko batangira ruriya rubuga kwari uguha amahirwe abashobora kwikorera indirimbo batiriwe bajya kureba abahanga mu gutunganya indirimbo’Producers’.

Yabinyujije kuri Linkedln ahamya ko bamaze kugira abarenga miliyoni 100 barukoresha mu buryo bwo gukora ibihangano. Mu mwaka wa mbere Suno ikiza ku isoko yinjije miliyoni $200. Ni mu gihe mu mwaka wa kabiri urwunguko rwiyongereye ikinjiza miliyoni $300. Suno mu cyerekezo gishya ifite gahunda yo kujya yinjiza miliyali $2.45.

Suno ibikesha gukoresha abahanga bafite ubunararibonye mu isi y’umuziki iteye imbere. Mu buyobozi bashyizeho Jeremy Sirota nk’ushinzwe ubucuruzi, Paul Sinclair wari umwe mu bayobozi ba Warner Music Group niwe ushinzwe umuziki (Chief Music Officer). Ni mu gihe Sam Berger wahoze mu buyobozi bwa Spotify ni we ushinzwe imikoranire n’abahanzi (Artist Partnerships).