Kuva ku itariki ya mbere Ukwakira 2025, ntabwo Arsenal FC iratsindwa umukino n’umwe ndetse kandi ntabwo irinjizwa igitego na kimwe bituma iba ikipe ya mbere ikoze ibi bintu ikina Shampiyona y'icyiciro cya mbere mu Bwongereza.

Mu mikino Arsenal FC imaze gukina muri uku kwezi harimo imikino ibiri yakinnye muri UEFA Champions League, itatu yakinnye muri Shampiyona ndetse n’umukino umwe yakinnye muri English Football League.

Arsenal FC, yatangiye uku kwezi ikina na Olympiacos muri UEFA Champions League ibitego 2-0, ndetse na Atletico Madrid ibitego 4-0. Iyi kipe muri Shampiyona yatsinze Westham United ibitego 2-0, itsinda Fullham igitego 1-0, itsinda na Crystal Palace igitego 1-0. 

Aka gahigo Arsenal FC yagashyizeho mu ijoro ryacyeye tariki 29 Ukwakira 2025, nyuma yo gutsinda Brighton and Hove Albion ibitego 2-0 mu mukino wa English Football League. 

Ntabwo bisanzwe ibi Arsenal FC yakoze, kuko byerekana uko ihagaze muri uyu mwaka w’imikino ndetse nuko yiteguye guhanganira ibikombe byose bikinirwa ku mugabane w’i Burayi.

Arsenal FC iyoboye urutonde rw’agateganyo rwa Shampiyona y’u Bwongereza n’amanota 22 ndetse iyi kipe ku rutonde rw’agateganyo rwa UEFA Champions League iri ku mwanya wa kane n’amanota 9.

 Arsenal FC yakoreye amateka kuri Brighton and Hove Albion