Ku wa Gatanu tariki ya 23 Mutarama 2026, sosiyete ya Abafaransa izwiho gutwara abantu n'ibintu yitwa Air France na KLM nayo izwi ku mugabane w'u Burayi, zatangaje ko zahagaritse ingendo zijya i Dubai no mu bindi bihugu byo mu kigobe cya perse kubera ibibazo bya politike n' umutekano muke bikomeje kuvugwa mu Burasirazuba bwo hagati nkuko tubikesha France24 n'Ibiro Ntaramakuru bya Abaholandi.

 Air France  yafashe icyo cyemezo, nyuma y'uko amasosiyete atwara abantu n'ibintu ku mugabane w' i Burayi yitwa KLM yo Buholandi nayo yafashe icyemezo nk'icyo kubera umwuka mubi ututumba muri politike yo mu Burasirazuba bwo hagati.

Iyo sosiyete y'Abaholandi, KLM yahagaritse ingendo zijya mu mijyi nka Tel Aviv, Dubai, Dammam na Riyadh, ndetse yafashe icyemezo cyo kudakoresha ikirere cya Iran, Iraq na Israel cyangwa ibindi bihugu byo mu kigobe cya perse.

Ibi bibaye nyuma y'uko Perezida wa Leta Zunze Ubumwe za Amerika, Donald Trump, atangaje ko Amerika yohereje amato y’intambara menshi mu kigobe cya perse mu rwego rwo gukurikiranira hafi ibikorwa bya Iran ibivugwaho gukora intwaro kirimbizi

Ku wa Kane tariki ya 22 Mutarama, Perezida Trump, nibwo yavuze ko ikihutirwa atari intambara ariko yemeye ko hari imyiteguro ya gisirikare ikorwa n'Ingabo za Amerika. Ibihugu biri mu gace k'Ikigobe cya Perse ( Parsian Golf ): Ni Saudi Arabia, United Arab Emirates (UAE), Qatar, Kuwait, Bahrain, Oman na Iran. Ibyo bihugu byose bizagerwaho n'ingaruka zo kutorohererwa n'ingendo zerekeza ku mugabane w'u Burayi.