Kinyarwanda
English
Swahili
AFC/M23 yagaragarije amahanga ko Leta ya Kinshasa ikomeje ibikorwa by'intambara
Ihuriro Alliance Fleuve Congo (AFC/M23) ryatangaje ko Guverinoma ya Kinshasa ikomeje ibikorwa bya gisirikare bigamije intambara, n'ubwo yari iherutse gushyira umukono ku masezerano y’amahame ngenderwaho, yasinyiwe i Doha ku wa 19 Nyakanga 2025.
AFC/M23 ivuga ko yamenye amakuru y’'uko ingabo za Leta ya Kinshasa n’intwaro bikomeje kwinjizwa mu bice bya Nzimbira, Mwenga, Bunyakiri, Kibuwa, Pinga na Uvira. Ibi bikorwa byo kurenga ku masezerano yo guhagarika imirwano, bigaragaza inzira yo kuzamura intambara.
Iri huriro kandi rikomeza rivuga ko ku cyumweru, tariki 10 Kanama 2025, amato yageze Uvira atwaye abasirikare 1,125 baturutse mu mahuriro y’ingabo za guverinoma ya Kinshasa.
Itangazo rya AFC/M23 rivuga ko izi ngendo z’ingabo ziri kumwe n’ibitero byibasira ahantu haturiye abaturage benshi, byavuyemo impfu z’abasivili n’impunzi nyinshi, bigatuma habaho ikibazo cy'uko babona n'ubutabazi .
AFC/M23 ikavuga ko kandi igiye gukomeza kuba maso no gufata ingamba zo kurinda abaturage, ndetse igashimangira ko yiyemeje gukomeza inzira y’amahoro mu gukemura amakimbirane ari mu gihugu.
