Adel Amrouche ni umugabo w'imyaka 56 y'amavuko, akaba akomoka  ku mugabane wa Afurika mu gihugu cya Algeria.

Adel Amrouche amenyerewe mu mupira wo mu karere kuko yatoje Ikipe y'Igihugu ya Kenya ndetse n'u Burundi, akaba yaherukaga gutoza ikipe y'Igihugu ya Tanzaniya yanafashije kubona itike yo gukina imikino yanyuma y'igikombe cya Afurika cya 2023 cyabereye muri Cote d'Ivoir mu ntangiriro za 2024.

Cyokoze uyu mutoza ntiyagize amahirwe yo gutoza imikino yose Tanzaniya yakinnye muri iki gikombe, kuko uyu mutoza utajya uripfana yahanwe n'Impuzamashyirahamwe y'umupira w'amaguru muri Afurika kumara imikino umunani adatoza. Ni nyuma y'Amagambo umutoza Adel Amrouche yatangaje amaze gutsindwa n'ikipe y'Igihugu ya Maroke 3-0, akaba yaratangaje ko Maroke itsinda kubera ifite abayirwanaho babarizwa muri CAF harimo n'Abasifuzi.

Aya magambo kandi yatumye n'ishyirahamwe ry'umupira w'amaguru muri Tanzaniya rimuhagarika, ikipe isigaranwa n'umutoza wari umwungirije.

Mu itangazo ryashyizwe hanze n'ishyirahamwe ry'umupira w'amaguru mu Rwanda kuri iki cyumweru, Umutoza Adel Amrouche yaramukijwe amavubi akaba asimbuye umudage Frank Spittler uherutse gutanduka n'Amavubi.

Eric Nshimiyimana wari umaze ighe adaheruka mu mavubi yagizwe umutoza wambere wungirije, ni mugihe umutoza wa kabiri wungirije yagizwe Dr. Carolin Braun, naho Cassa Mbungo André agirwa umutoza mukuru w'Amavubi y'Abagore