Hashize iminsi bamwe mu bakinnyi bakomeye ku mugabane w'i Burayi, bikoma cyane FIFA yateguye igikombe cy'Isi cy'ama-Club muri ibi bihe kuko bavuga ko rizabavuna cyane ndetse bazarivamo bahita batangira shampiyona nta kubona umwanya wo ku ruhuka.

Ku wa gatanu tariki 6 Kamena 2025, myugariro wa Manchester City, Manuel Akanji yagize ibyo atangaza bijyanye n'iki gikombe ndetse anavuga ko n'abakinnyi bagenzi be batishimye.

Yagize ati " Ngira ikibazo kuri iri rushanwa rimwe na rimwe ndetse n'ubu. Nk'abakinnyi dukunda kuba twagira ibiruhuko kugirango turuhure imibiri yacu. N'abakinnyi bagenzi banjye ntabwo bishimiye cyane iri rushanwa, urabibona no mu maso ariko ntacyo dufite cyo gukora.

Twemeye kuryitabira, rero tugomba gushaka uko twaritwara. Nitugera ku mukino wa nyuma, tuzaba dufite igihe gito cyo ku ruhuka kugirango twitegure indi saison."

           Manuel Akanji yikomye FIFA

Uyu mu Suwisi w'imyaka 29, ukinira ikipe ya Manchester City, amaze iminsi akirutse imvune ariko ubwo shampiyona y'ubwongereza yarangiraga, yari yatangiye gukira ndetse hari n'imikino imwe n'imwe yagiye yinjira mu kibuga asimbuye.

Ikipe ya Manchester City ikomeje kongeramo abakinnyi muri iki gihe cy'igura n'igurishwa ry'abakinnyi. Umwe mu bakinnyi yamaze kugura ni Rayan Aït Nouri wakinaga yugarira ku ruhande rw'iburyo muri Wolves. Abakinnyi bategerejwe barimo Rayan Cherki ndetse na Tijjani Reijnders.

Rayan Aït Nouri arakora ikizamini cy'ubuzima kuri uyu wa Gatandatu muri Manchester City