Uyu muhanzikazi wamamaye cyane mu ndirimbo nka 'Siri Regular', yemeye ko akunze kunengwa n’abantu ku bijyanye n’imiterere ye, benshi bavuga ko afite amatako mato ndetse n'ikibuno gito, gusa we akavuga ko yishimira uko ari.

Yagize ati "Abantu bajya bahindura imibiri yabo rimwe na rimwe baba barigeze no gutekereza ko batazabikora. Ni amahitamo. Njyewe nigeze gusebywa kenshi, abantu bavuga ngo mfite ikibuno gito." 

Spice Diana yanagaragaje ko imwe mu mpamvu nyamukuru ituma atazigera akora ibijyanye no kubagisha ari uko yanga ububabare.

Ati "Ku mubiri wanjye wose mfite agashushanyo gato kamwe (Tattoo) ku kuboko, kuko nkunda kwirinda ikintu cyose cyambabaza cyangwa cyanteza ububabare. Ni yo mpamvu ntashobora kwibagisha." 

Ariko kandi, Spice Diana yanagaragaje ko yubaha abantu bahisemo guhindura imibiri yabo, avuga ko ari icyemezo cy'umuntu ku giti cye ntawukwiye gucibwaho urubanza.