Umuraperi P Didy yakatiwe imyaka ine, amezi abiri n'ihazabu ya $500,000 . Ni inkuru yatangajwe n'ibinyamakuru byo muri Amerika ku wa 4 Ukwakira 2025.

Urukiko rwakatiye P Didy amezi 50 mu gihome ariko abamwunganira biteguye kujuririra icyemezo cy'urukiko. 

P Didy yabwiye umuryango we vuba bidatinze azataha kandi abasaba gukomeza kumuba hafi. P Didy wari mu rukiko rw'i New York ubwo umwanzuro wasomwaga, yasuhuje abari baje kumushyigikira, asoma abo mu muryango we abasaba imbabazi.

Yahamijwe ibyaha byo gucuruza abagore mu bihugu bitandukanye kugirango bashorwe mu bikorwa by'ubusambanyi gushora abakobwa mu busambanyi n'icyaha cyo gucuruza ibiyobyabwenge.

Urubanza rwa P Didy rwamaze ibyumweru birindwi. Ubushinjacyaha bwamusabiraga gufungwa imyaka 11 mu gihe abunganizi be bari basabye urukiko ko yahabwa amezi 14.

P Didy yatawe muri yombi muri nzeri ya 2024. Mu rubanza yasomye inyandiko isaba imbabazi Cassie Ventura, umuryango we n'abandi bakomerekejwe n'ibikorwa yakoze. P Didy yavuze ko ahahise atahahindura ariko ahazaza ari heza.

 P Didy yasabye imbabazi abagore bo ku isi babonye amashusho yashyizwe hanze na CNC ari gukubita Cassie Ventura. Yavuze ko asaba imbabazi ku bibi byose yakoreye abagore ariko abasaba amahirwe ya kabiri yo guhinduka.

Umwaka wari ushize afunze bivuze ko asigaje igihano cy'imyaka itatu n'amezi ane.